Infolista – Program për Vetëpunësimin e personave me aftësi të kufizuara
Synimi i Programit është reduktimi i papunësisë dhe hapja e biznesit personal.
Programi zbatohet nga Ministria e Punës dhe Politikës Sociale (MPPS) Agjencia e Punësimi të Republikës së Maqedonisë (APRM), me mbështetje të Programit për Zhvillim të Kombeve të Bashkuara (UNDP).
Këto janë hapat për përfshirje të suksesshme dhe për realizimin e Programit
- 1. Aplikimi;
- 2. Plotësimi i Pyetësorit për aplikim;
- 3. Sigurimi i të dhënave dhe mendimit për përcaktimin e punëve të cilat mund t’i kryej;
- 4. Pjesëmarrje në trajnimet e parashikuara;
- 5. Hartimi dhe seleksionimi i biznes ideve më të mira dhe të qëndrueshme;
- 6. Mbështetje mentorimi;
- 7. Regjistrimi i biznesit/subjektit juridik;
- 8. Nënshkrimi i Marrëveshjes;
- 9. Nënshkrimi i Marrëveshjes për punësime shtesë.
Çka përfitoni nëse përfshiheni në Programim Vetëpunësim:
- 1. Trajnim për aftësi të buta nga fusha e sipërmarrësisë
- 2. Vërtetim/certifikatë për trajnim të kryer për sipërmarrësi
- 3. Mbështetje eksperte nga mentori
- 4. Mbështetje administrative nga Qendra e Punësimit
- 5. 270.000 denarë për furnizimin e pajisjes dhe/ose materialeve
- 6. Mundësi për mbështetje financiare shtesë për punësime shtesë në shumë prej 92.000 denarë ose 184.000 denarë të shfrytëzuara për furnizimin e pajisjes dhe/ose materialeve
Të drejtat dhe obligimet e personave të përfshirë në Programin Vetëpunësim:
- 1. Nënshkrimi i Deklaratës për dhënien e pëlqimit për pjesëmarrje;
- 2. Ndjekje e rregullt të trajnimeve të parashikuara ose takimeve informative;
- 3. Deri në regjistrimin e firmës, personi ka obligim rregullisht të paraqitet në.Qendrën e Punësimit në terminin e caktuar;
- 4. Paraqitja e biznesit të regjistruar/punësimi në APRM;
- 5. Çdo firmë shfrytëzuese e masës duhet të sigurojë kushte monitorimi në afat prej 2 vitesh;
- 6. Personat që do t’i shfrytëzojnë mjetet 2 vjet nuk mund të kthehen në evidencën e personave të papunësuar deri në skadimin e kohëzgjatjes së Marrëveshjes;
- 7. Nëse themeluesi i firmës e ndërpret ushtrimin e veprimtarisë para skadimit të një viti, përkatësisht 2 viteve, nga data e regjistrimit të biznesit, përveç në rast të vdekjes ose paaftësisë së përhershme, personi-themelues i firmës ka obligim që brenda 12 muajve të kthejë:
- – 80% të mjeteve financiare, nëse e ndërpret ushtrimin e veprimtarisë para skadimit të një (1) viti;
- – 60% të mjeteve financiare, nëse e ndërpret ushtrimin e veprimtarisë para skadimit të vitit të dytë nga ekzistimi i biznesit.
Nëse pas skadimit të gjashtë (6) muajve të parë nga regjistrimi, biznesi nuk ka realizuar transaksione financiare (përkatësisht bruto pagë të paguar) i dërgohet shkresë me vërejtje. Nëse pas skadimit të tre muajve nga dita e dërgimit të vërejtjes, shfrytëzuesi i grantit vazhdon me mosrealizimin e transaksioneve financiare, atëherë hapet procedurë për kthimin e mjeteve të fituara.
